Rektori

Të dashur studentë,

Të nderuar kolegë, partnerë dhe qytetarë

Kolegji Universi, sikur i gjithë spektri akademik i arsimit të lartë në Kosovë dhe në vendet perëndimore, përdor sistemin e Bolonjës në mësimdhënie, i cili krijon stabilitet dhe liri të mjaftueshme si për mësimdhënësin ashtu edhe për studentin. Programi ynë bazohet në qasje të kombinuar teorike dhe praktike. Qasja në mësimdhënie është formuluar duke përfshirë kërkesat e lëndëve, instruksionet teorike dhe kohëzgjatjen e praktikës.

Ne jemi të kënaqur që ju jeni të interesuar të studioni në Kolegjin Universi, programet, shërbimet dhe njerëzit që përbëjnë këtë kolegj të shkëlqyer.
Në Kolegjin Universi, ne e shohin arsimin si një partneritet. Këtu, ju do të sfidoheni intelektualisht nga personeli ynë akademik të cilët janë të njohur në arenën kombëtare dhe ndërkombëtare. Po ashtu, edhe nga ju pritet që të na sfidoni si dhe të jeni pjesëmarrës aktiv në arsimimin tuaj. Personeli ynë akademik është plotësisht i angazhuar dhe ka interes të vërtetë në suksesin tuaj dhe është kjo ajo që dallon Kolegjin Universi nga të tjerët.

Arsimimi në Kolegjin Universi do të hapë mundësi të pakufizuara në transformimin e jetës suaj në mënyra të reja dhe kuptimplote. Ju do të mësoni nga njëri-tjetri, sidomos nga ata me përvoja të ndryshme dhe mendime të ndryshme. Nëse ju vini në Kolegj direkt nga shkolla e mesme apo pas viteve të punës, ju do të gjeni mundësi të mësoni dhe të rriteni profesionalisht këtu. Ne ju mirëpresim si pjesë e komunitetit tonë.

Mënyra më e mirë për të mësuar më shumë rreth nesh dhe punës që bëjmë është të na vizitoni. Kampusi ynë i bukur ndodhet vetëm 10 minuta larg nga qendra e qytetit të Prishtinës, në fshatin Bardhosh. Ejani dhe binduni se pse çdo ditë e më shumë njerëz janë duke bërë “zgjedhjen e duhur” duke zgjedhur Kolegjin Universi, kolegjin ku do të studiojnë.

Ju mirëpresim në Kolegjin Universi.

Prof. Ass. Dr. Faton Merovci – Rektor

Apply for Admission or some other Call to Action